काठमाडौं । प्रमुख प्रतिपक्षी दल नेपाली कांग्रेसले सरकारले संसदलाई बेवास्ता गर्दै अध्यादेशमार्फत अघि बढ्न खोजेको भन्दै आपत्ति जनाएको छ ।
सोमबार प्रतिनिधिसभा बैठकमा बोल्दै कांग्रेसका सचेतक निस्कल राईले सरकारले संसद्मा छलफल गराएर निर्णय गर्नुपर्ने विषयमा अध्यादेशको सहारा लिनुको कारणबारे प्रश्न उठाए ।
उनले विशेषगरी संवैधानिक परिषद्सम्बन्धी अध्यादेशप्रति आपत्ति जनाउँदै ६ सदस्यीय परिषद्मा तीन जनाको उपस्थितिलाई कसरी बहुमत मान्न सकिन्छ भन्ने प्रश्न गरे ।
राईले संसद् सक्रिय रहेकै अवस्थामा अध्यादेश ल्याइनु लोकतान्त्रिक अभ्यासअनुकूल नभएको टिप्पणी गर्दै सरकारले यसबारे स्पष्ट जवाफ दिनुपर्ने माग गरे ।
प्रतिक्रिया