बाँकेमा प्रहरी हवल्दार परे अख्तियारको फन्दामा

खबर कुरा
२४ आश्विन २०७७, शनिबार

नेपालगञ्ज । घुस रकमसहित बाँकेमा एक प्रहरी हवल्दार अख्तियारको फन्दामा परेका छन् । ईलाका प्रहरी कार्यालय खजुरा खुर्द बाँकेमा कार्यरत प्रहरी हवल्दार राजेशबहादुर दवाललाई १३ हजार घुस रकमसहित अख्तिायार दुरुपयोग अनुसन्धान आयोगले पक्राउ गरेको छ ।

आँप जातको काठ चिरान मिल र ईंट्टा भट्टा लैजानका लागि सहजीकरण गरिदिने भन्दै स्थानीयसँग १३ हजार घुस रकम लिएको आरोपमा उनलाई पक्राउ गरिएको अख्तियार दुरुपयोग अनुसन्धान आयोगले जनाएको छ ।

अख्तियार दुरुपयोग अनुसन्धान आयोगको कार्यालय बुटवल सम्पर्क कार्यालय नेपालगञ्जबाट गएको टोलीले हवल्दार दवाललाई सेवाग्राहीसँग घुस रकम लिईसकेको अवस्थामा जानकी गाउँपालिका ३ मानपुरस्थित लक्ष्मी कोल्ड स्टोर्सबाट शुक्रवार बेलुका नियन्त्रणमा लिएको हो । उनीमाथि थप अनुसन्धान भईरहेको शाखा अधिकृत श्रीधर टण्डनद्वारा जारी विज्ञप्तिमा उल्लेख छ ।

 

यसमा तपाइको मत

Your email address will not be published. Required fields are marked *


*