काठमाडौं । हङकङमा नेपालीले सञ्चालन गरेको रेष्टुरेन्टमा आगलागी हुँदा ७ जना नेपालीको ज्यान गएको छ ।
हङकङको याउमातेइ शहरमा नेपालीले सञ्चालन गरेको एक रेष्टुरेन्टमा आइतबार राती आगलागी हुँदा कम्तिमा सात जना नेपालीको मृत्यु भएको हङ्कङ् प्रहरीले जनाएको छ।
संघका अनुसार मृत्यु हुनेमा चार पुरुष र तीन महिला छन् । मृतकहरुको यो समाचार तयार पार्दा सम्म सनाखत भइसकेको छैन। मृतकहरु नेपालको बागलुङ जिल्लाका नागरिक भएको गैरआवासीय नेपाली संघले जानकारी दिएको छ ।
आगलागीमा परेर १८ जना घाईते भएकोमा ७ जनाको मृत्यु भएको र २ जनाको अवस्था गम्भीर रहेको बताईएको छ ।
बागलुङ समाजका आजीवन सदस्य राज कँडेलको छोराको जन्मदिन मनाउने क्रममा आइतबार राती आगलागीको घटना भएको बताईएको छ ।
हङकङको समय अनुसार आइतबार राती करिब ८ बजे भएको आगलागीमा १३ जना गम्भीर घाइतेलाई प्रहरीले उद्धार गरेको थियो।
घटनास्थल नेपाली बसोबास गर्ने एउटा मुख्य क्षेत्र याउमातेइको क्यान्टोन रोड र साइगोन रोडको बीचमा पर्छ ।
प्रतिक्रिया