जुवा तास बिरुद्ध कठोर बन्दै रुपन्देही प्रहरी, मझगाँउबाट पक्राउ परेका जुवाडेलाई मुद्दा चलाईंदै

खबर कुरा
२ मंसिर २०७७, मंगलवार

बुटवल ११ मझगाँउको एक होटलबाट पक्राउ परेको जुवाडेहरुलाई प्रहरीले जुवा ऐन बमोजिम मुद्दा चलाउने भएको छ । बुटवलको मझगाँउ स्थित होटल होन्डामा सोमबार प्रहरीले छापामारी ६ लाख नगद सहित ६ जना जुवाडेहरुलाई नियन्त्रणमा लिएको थियो ।

जिल्ला प्रहरी कार्यालय रुपन्देहीका प्रवक्ता नायव प्रहरी उपरिक्षक खड्कबहादुर खत्रीले दिएको जानकारी अनुसार प्रहरीले सोमबार गरेको अप्रेशनमा पैसाको कारोबार हुने गरि तास खेलिरहेको अबस्थामा नियन्त्रणमा लिईएको थियो ।

उनीहरुबाट ६ लाख नगद सहित तास र जुवा खेल्दा प्रयोग हुने सामाग्रीहरु बरामद भएको प्रहरीले जनाएको छ । पक्राउ परेकाहरुलाई जुवा ऐन बमोजिम कारवाही गर्न अनुसन्धान थालिएको डीएसपी खत्रीले बताए ।

यसमा तपाइको मत

Your email address will not be published. Required fields are marked *


*