काठमाडौं । हाल देशभरको मौसममा पश्चिमी वायुको आंशिक प्रभाव कायम रहेको छ । हाल देशको प्रदेश नं १ र ३ का केही भू-भागको मौसममा आंशिक बदली रहेको जल तथा मौसम विज्ञान विभागले जनाएको छ ।
आज दिउँसो प्रदेश नं १ र ३ को मौसममा आंशिक बदली हुने सम्भावना रहेको छ । त्यसैगरी सुदूरपश्चिम प्रदेशका केही भू-भागको मौसममासमेत आंशिक बदली रहने सम्भावना देखिएको विभागले जनाएको छ ।
त्यसैगरी आज राती प्रदेश नं १ र गण्डकी प्रदेशका पहाडी भू-भागको मौसममा आंशिकदेखि सामान्य बदली रहने सम्भावना छ ।
त्यस्तै प्रदेश १ को पहाडी भू-भागका एक, दुई स्थानमा हल्का बर्षाको सम्भावना समेत रहेको जल तथा मौसम विज्ञान विभागले जनाएको छ ।
प्रतिक्रिया