नेपाली राष्ट्रिय क्रिकेट टीमको मुख्य प्रशिक्षकमा वाटमेर नियुक्त

काठमाडौं । नेपाली राष्ट्रिय क्रिकेट टीमको मुख्य प्रशिक्षकमा अष्ट्रेलियाका देवनेल फ्रेडरिक (दाव) वाटमेर नियुक्त गरिएको छ ।

बिहीबार नेपाल क्रिकेट संघ क्यानले मुख्य प्रशिक्षक नियुक्त गरेको हो ।

वाटमेर अहिले सिंगापुर क्रिकेटको मुख्य प्रशिक्षकको जिम्मेवारीमा थिए । त्यहाँबाट उनी नेपाल आउने भएका हुन । क्यानले वाटमेरको नियुक्ति कति समय भन्ने भने खुलाएको छैन ।

यस्तै क्यानले जनरल म्यानेजरमा रौनक मल्ललाई नियुक्त गरेको छ । रमेश कुमार न्यौपानेलाई चिफ फाइनान्स अफिसरमा नियुक्त भएका छन् भने राष्ट्रिय क्रिकेट टिमका पूर्वकप्तान विनोद दासलाई क्रिकेट व्यवस्थापकमा नियुक्त गरिएको छ ।