काठमाडौं । नेपाल कम्युनिष्ट पार्टी (नेकपा)का केन्द्रीय सदस्य तथा राष्ट्रियसभाका दलका नेता दीनानाथ शर्माको सचिवालयले प्रचण्डसित जोडेर प्रकाशित भएको समाचारको खण्डन गरेको छ ।
अध्यक्ष प्रचण्डलाई जोडेर केही अनलाइन सञ्चार माध्यममा ‘प्रचण्डलाई साथ दिनु भनेको देशप्रति गद्दारी गर्नु हो’ भन्ने शीर्षकमा प्रकाशित भएको समाचारप्रति नेता शर्माको सचिवालयले खण्डन गरेको हो ।
खण्डन गर्दै स्वकीय सचिव साजन पौडेलले भनेका छन्, ‘यस्ता सम्वेदनशील बिषयमा झुट, कपोलकल्पित र भ्रामक समाचारप्रति खेद प्रकट गर्दै पार्टीका आम कार्यकर्ता, आम जनसमुदाय तथा सञ्चार जगतलाई भ्रममा नपर्न अपील गर्दछु ।
भ्रामक समाचारप्रति गम्भीर ध्यानाकर्षण
नेपाल कम्युनिष्ट पार्टी (नेकपा) का केन्द्रीय सदस्य एवं राष्ट्रियसभाका दलका नेता दीनानाथ शर्माका बारेमा केही अनलाइन मिडियाहरुमा प्रचण्डलाई साथ दिनु भनेको देशप्रति गद्दारी गर्नु हो भन्ने शीर्षकमा प्रकाशित समाचारप्रति हाम्रो सचिवालयको गम्भीर ध्यानाकर्षण भएको छ । यस्ता सम्वेदनशील बिषयमा झुट, कपोलकल्पित र भ्रामक समाचारप्रति खेद प्रकट गर्दै पार्टीका आम कार्यकर्ता, आम जनसमुदाय तथा सञ्चार जगतलाई भ्रममा नपर्न अपील गर्दछु ।
साजन पौडेल
स्वकीय सचिव
प्रतिक्रिया