काठमाडौं । सत्तारुढ दल नेपाल कम्युनिष्ट पार्टी (नेकपा) का नाममा बैंकमा रहेका खाता रोक्का हुने भएका छन् । आन्तरिक विवादपछि विभाजित भएको नेकपा मध्य प्रचण्ड(नेपाल पक्षले निर्वाचन आयोगले दलको आधिकारीकता नदिंदा सम्म खाता रोक्का गर्ने निबेदन सम्बन्धित बैंकहरुमा पत्राचार गरेपछि पार्टीका नाममा रहेका खाता रोक्का गरिएको छ । नेकपाको विवाद समाधान नहुञ्जेलसम्म जुनजुन बैंकमा खाता रहेका छन्, ति सबै बैंक खाता रोक्का हुने भएका छन् ।
निर्वाचन आयोगको निर्णय नआउञ्जेलसम्म दुबै पक्षले खाता सञ्चालन गर्न नपाउने गरी रोक्का हुने बताईएको छ । पार्टीभित्र बिवाद रहेको र औपचारीक नभएपनि पार्टी विभाजन भएको भन्दै सम्पत्तिमा कसको हक लाग्ने भन्ने यकिन नहुँदा सम्म खाता रोक्का गर्न प्रचण्ड-नेपाल पक्षका अध्यक्ष द्वय प्रचण्ड र माधव नेपालले हस्ताक्षर गरेर बैंकहरुलाई पत्राचार गरेका थिए ।
विवाद भएको लिखित पत्र नै आएपछि विवाद समाधान नहुञ्जेलसम्म रोक्का गर्ने प्रचलन रहेको राष्ट्र बैकका एकजना अधिकारीले बताए ।
प्रचलिन नियम अनुसार यसरी संस्थाको खाता रोक्का गर्ने ब्यवस्था रहेपनि बैंकहरुको बैंक राष्ट्र र्बैकलाई भने खाता रोक्का गर्नु पूर्व राष्ट्र बैंकसंग अनुमति लिनु पर्दछ ।
प्रतिक्रिया