बुटवल । नेकपा प्रचण्ड-नेपाल पक्षले आम हडतालको आह्वान गरेको प्रतिकार गर्न पोखरा, सुर्खेत र धनगढीमा ओली पक्षले पनि कार्यकर्ताहरुलाई सडकमा उतारेको छ । सुदुरपश्चिम प्रदेशको धनगढी, गण्डकी प्रदेशको पोखरा लगायतका क्षेत्रमा बन्दको प्रतिकार स्वरुप ओली पक्षले कार्यकर्ताहरुलाई सडकमा उतारेको हो ।
पंचायती ब्यवस्थामा दरकारका समर्थकमा निस्कने प्रतिकार -यालीकै शैलीमा कार्यकर्ताहरुलाई बन्दका विरुद्ध सडमा उतारेपछि प्रहरीलाई सुरक्षा ब्यवस्था सम्हाल्न हम्मे हम्मे परेको थियो ।
कैलालीको धनगढीमा दुई समुह आमुने सामुने भएका थिए भने पोखराको पृथ्वी चौकमा दुबै पक्षका बीच जम्का भेट भएको थियो । सुर्खेतमा ओली पक्षीय युवा बिद्यार्थीहरुले मोटरसाईकल -याली निकालेका थिए । प्रचण्ड-नेपाल पक्षले आज गरेको आमहडतालको पक्ष र बिपक्षमा कार्यकर्ताहरु आमने–सामने भएपछि दुबै स्थानमा केहि बेर अवस्था तनावपूर्ण बनेको थियो ।
दुबै पक्षएल एक अर्का बिरुद्द चर्को नाराबाजी गरेका थिए । उनीहरु एकै ठाउँमा उभिएर नाराबाजी गर्न प्रहरीले दुबै पक्षका कार्यकर्ताहरुलाई फरक फरक रुटबाट पठाएको थियो ।
प्रतिक्रिया