काठमाडौं । प्रचण्ड–नेपाल नेतृत्वको नेपाल कम्युनिष्ट पार्टी नेकपाका वरिष्ठ नेता झलनाथ खनाल दिल्ली जान लागेका छन् ।
नेता खनाल आफ्नो स्वास्थ्य उपचारका लागि अहिले ११ बजे नेपाल एयरलाइन्सको नियमित उडानबाट आज दिल्ली जान लागेका हुन् । खनालको उपचार दिल्लीस्थित अपोलो अस्पतालमा हुने बताइएको छ ।
खनाल शरीर काँप्ने रोगबाट ग्रसित छन् । यसअघि चीनमा उपचार गर्दै आएका खनाल अहिले चीनमा १४ दिन अनिवार्य क्वारेन्टिनमा बस्नपर्ने अवस्थाका कारण दिल्लीमा जान लागेका हुन् ।
चार दिन दिल्ली बस्ने खनालले त्यसक्रममा राजनीतिक भेटघाट नहुने बताएका छन् । खनाल सोमबार स्वदेश फर्किने कार्यक्रम रहेको छ ।
प्रतिक्रिया