आजको मौसम : पहाडी भू-भागका केही स्थानमा वर्षाको सम्भावना

काठमाडौं । आइतबार मुलुकका पहाडी भू-भागका केही स्थानमा वर्षाकाे सम्भावना छ ।

माैसम पूर्वानुमान महाशाखाका अनुसार स्थानीयसँगै पश्चिमी वायुको समेत आंशिक प्रभाव रहेकाले केही स्थानमा हल्का वर्षा हुन सक्नेछ ।

‘पहाडी भू-भागका एक-दुई स्थानमा अपरान्ह पछि मेघगर्जन, चट्याङसहित क्षणिक वर्षाको सम्भावना रहेको छ,’ महाशाखाले आइतबार बिहान जारी गरेकाे बुलेटिनमा भनिएकाे छ ।

राति भने पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहने छ । महाशाखाका अनुसार साेमबार सुदूरपश्चिम प्रदेश लगायत देशका पहाडी भू-भागका थोरै स्थानमा क्षणिक वर्षाको सम्भावना छ ।