बाँकेमा थप २ जना कोरोना संक्रमितको मृत्यु

नेपालगन्ज । बाँकेको भेरी र नेपालगन्ज मेडिकल कलेज कोहलपुरमा उपचारत २ जना कोरोना संक्रमितको मृत्यु भएको छ । भेरी अस्पताल, नेपालगन्जमा उपचाररत नेपालगन्ज १२ का ती पुरुषको उपचारका क्रममा मध्यराती १२ मृत्यु भएको छ भने नेपालगन्ज मेडिकल कलेज कोहलपुरमा उपचाररत अर्का एक पुरुषको आज बिहान ७ बजे मृत्यु भएको बाँकेका कोरोना फोकलपर्शन तेज ओलीले जानकारी दिएका छन् ।

चैत्र २९ गते कोरोना संक्रमण पुष्टि भएसँगै भेरी अस्पताल भर्ना भएका ७० वर्षिय पुरुषको मध्यराती मृत्यु भएको ओलीले बताए । त्यसैगरि बैशाख ६ गते कोरोना पुष्टि भएर ६ गते साँझ मेडिकल कलेज भर्ना भएका ९० वर्षिय पुरुषको बिहान ७ बजे मृत्यु भएको हो । आज मृत्यु भएसँगै बाँकेमा जिल्ला भित्रको मृत्यु हुनेको संख्या ६६ पुगेको छ ।

मृतकको शव ब्यवस्थापनका लागि नेपाली सेना र मृतकको परिवारसंग समन्वय भईरहेको ओलीले बताए ।