काठमाडौं । कोरोना संक्रमितको रफ्तारले शुक्रबार २५ सय अंक पार गरेको छ ।
स्वास्थ्य तथा जनसंख्या मन्त्रालयले अपडेट गरेको पछिल्लो तथ्यांकअनुसार पछिल्लो २४ घण्टामा २ हजार ५५९ जनामा संक्रमण पुष्टि भएको छ ।
९ हजार ६६४ जनामा परीक्षण गर्दा २ हजार ५५९ जनालाई संक्रमणण पुष्टि भएको मन्त्रालयले जनाएको छ । जसमध्ये आरटी पीसीआर ८ हजार ७९८ जनामा गरिएको थियो । यसबाट २ हजार ४४९ जनालाई संक्रमण देखिएको छ भने ८६६ एन्टिजेन परीक्षण गर्दा ११० जनालाई संक्रमण देखिएको छ ।
पछिल्लो २४ घण्टामा ४१० जना संक्रमित निको भएका छन् । यस्तै कोरोना संक्रमणबाट ५ जनाको मृत्यु भएको छ ।
प्रतिक्रिया