१५१ देशमा फैलिएको कोरोनाले ५,८३२ को ज्यान लियो, ७५,७९९ जना निको भए

एजेन्सी । चीनबाट फैलिएको कोरोना भाईरसको प्रकोपका कारण अहिलेसम्म ५ हजार ८ सय ३२ जनाको मृत्यु भएको छ । यसका संक्रमितहरुको संख्या १ लाख ५६ हजार ४ सय ३८ पुगेको छ ।

एकसय ५१ मुलुकमा फैलिएको कोरोना भाईरसको संक्रमण भएका मध्ये ७५ हजार ७ सय ९९ जना निको भएर घर फर्किसकेका छन ।

कोरोनाको उद्गम मुलुक चीनमा पछिल्लो २४ घण्टामा १० जनाको मृत्यु भएका कारण हालसम्म मृत्यु हुनेको संख्या ३ हजार १ सय ९९ पुगेको छ ।

त्यस्स्तै संक्रमितहरुको संख्या ८० हजार ८ सय २४ रहेको छ । त्यसैगरि कोरोनाको दोस्रो बढी प्रभाव रहेको मुलुक ईटालीमा पछिल्लो २४ घण्टामा १ सय ७५ जनाको मुत्यु हुँदा कुल मृतकको संख्या १ हजार ४ सय ४१ पुगेको छ ।

त्यस्तै ईरानमा ६ सय ११ जनाको मृत्यु भएको छ भने १२ हजार ७ सय २९ जना संक्रमित छन ।

त्यस्तै स्पेनमा १ सय ९६ जनाको मृत्यु भएको छ भने दक्षिण कोरियामा ७२ जनाले ज्यान गुमाएका छन ।