काठमाडौ । कोभिड–१९ अर्थात् कोरोना भाइरससँग लड्न सार्क मुलुकको उपयोगका लागि प्रस्तावित सार्क आपत्कालीन कोषमा नेपालले गर्ने भनिएको आर्थिक योगदानको भारतले उच्च सराहना गरेको छ ।
नेपाल सरकारका तर्फबाट प्रधानमन्त्री केपी शर्मा ओलीले कोषमा नेपालका तर्फबाट १० करोड रुपियाँ थप गर्ने घोषणा गरेलगत्तै भारतले त्यस कदमको उच्च सराहना गरेको हो ।
नेपाल सरकारको त्यस निर्णयको भारतका प्रधानमन्त्री नरेन्द्र मोदीले स्वागत गरे ।
नेपाल सरकारको यस कदमको सराहनासँगै मोदीले प्रधानमन्त्री केपी शर्मा ओलीप्रति कृतज्ञता व्यक्त गर्दै ट्विट गरेका छन् ।
आजको गोरखापत्र दैनिकमा यो समाचार प्रकाशित छ ।
प्रतिक्रिया