काठमाडौं । सरकारले बजेट मार्फत अधिकांस विकासका योजनाहरुलाई संघ अन्तर्गत राख्न खोजेपनि झण्डै ४ खर्ब रुपैयाँ भने प्रदेश र स्थानीय तहमा हस्तान्तरण गर्ने ब्यवस्था मिलाएको छ । आगामी आर्थिक वर्ष २०७८।७९ का लागि झण्डै ४ खर्ब रुपैयाँ प्रदेश र स्थानीय तहमा हस्तान्तरण गरेको छ । सरकारले सघीय सरकारबाट वित्तीय समानीकरण अनुदान, सशर्त अनुदान, विशेष अनुदान र समपुरक अनुदान गरी चार प्रकारका अनुदान प्रदेश र स्थानीय तहलाई हस्तान्तरण गर्ने गर्दछ ।
आगामी वर्ष ३ खर्ब ८६ अर्ब ७१ करोड ७२ लाख रुपैयाँ वित्तीय हस्तान्तरणका माधयमबाट तल्लो सरकारमा जाने बजेटमा उल्लेख छ ।
यसमध्ये प्रदेशमा १ खर्ब ३ अर्ब ७० करोड र स्थानीय तहमा २ खर्ब ८३ अर्ब १ करोड रुपैयाँ वित्तिय हस्तान्तरणका माध्यमबाट हस्तान्तरण हुने छ ।
यसरी गएको रकममध्ये गाउँपालिकामा १ खर्ब ३९ अर्ब १९ करोड, नगरपालिकामा १ खर्ब २३ अर्ब ९६ करोड, उपमहानगरपालिकामा ९ अर्ब ७६ करोड र महानगरपालिकाहरुमा १० अर्ब ९ करोड रुपैयाँ हस्तान्तरण भएको छ ।
कुन प्रदेश र पालिकाले कति पाउँछन् बजेट ?
[pdf-embedder url=”http://3.0.214.97/wp-content/uploads/2021/05/local.pdf”]
प्रतिक्रिया