काठमाडौं । संघीय संसदका दुवै सदनको अधिवेशन अन्त्य भएको छ ।
राष्ट्रपति विद्यादेवी भण्डारीले सरकारको सिफारिसमा आज राति १२ बजेदेखि संसदको चालु अधिवेशन अन्त्य गरेकी छिन् ।
संसद अधिवेशन अन्त्यको पत्र संसदका दुवै सदनमा पढेर सुनाइएको छ । सभामुख अग्निप्रसाद सापकोटाले प्रतिनिधिसभामा र अध्यक्ष गणेशप्रसाद तिमिल्सिनाले राष्ट्रिय सभामा अधिवेशन अन्त्यको पत्र पढेर सुनाएका छन् ।
संसद चल्ने कुनै विजनेश नभएपछि सरकारले अधिवेशन अन्त्य गर्ने निर्णय गरेको हो ।
सर्वोच्च अदालतको परमादेशपछि पुनर्स्थापना भएको प्रतिनिधिसभाको चालु अधिवेशनको पहिलो बैठक साउन ३ गते बसेको थियो । पहिलो दिनको बैठकमा प्रधानमन्त्री शेरबहादुर देउवाले विश्वासको मत लिएका थिए ।
केही दिन चलाएर तत्कालिन प्रधानमन्त्री केपी शर्मा ओलीले अन्त्य गरेको राष्ट्रिय सभाको चालु अधिवेशनको बैठक पनि साउन ३ गतेबाटै सुरु भएको थियो ।
प्रतिक्रिया