काठमाडौं । नेपालमा पहिलो पटक भारतबट निजी क्षेत्रको कार्गो रेल आइपुगेको छ । नेपाल–भारत रेल सेवा सुरुआत भएको १७ वर्षपछि पहिलोपटक भारतबाट निजी क्षेत्रको कार्गो रेल नेपाल आइपुगेको हो ।
२०६१ सालमा भएको नेपाल–भारत रेल सेवा सम्झौता अनुसार भारतीय सरकारी स्वामित्वको रेलले मात्रै नेपाललमा सेवा दिंदै आएकोमा निजी क्षेत्रको रेल चले सगैँ भारत सरकारको एकाधिकार अन्त्य भएको छ ।
नेपाल इन्टरमोडल यातायात समितिका अनुसार हिम्ड टर्मिनल प्रालीको एक र्याकको कार्गो रेल बुधबार बिहान १० बजे वीरगञ्जस्थित सुख्खा बन्दरगाह आइपुगेको हो ।
हल्दियाबाट खाद्यान्नको २० फिट अग्लो ९० वटा कन्टेनर बोकेको रेल वीरगञ्जस्थित सुख्खा बन्दरगाह आइपुगेको इन्टरमोडल यातायात विकास समितिका कार्यकारी निर्देशक आशिष गजुरेलले बताए ।
रेल सेवा पुनरावलोकन सम्झौतामा गत २०२१ जुलाईमा भएको दुई देश बीचको सहमति पछि नेपालमा निजी क्षेत्रका रेलले पनि सेवा सञ्चालन गर्न पाउने बाटो खुलेको थियो । यस अघि नेपाल भारत रेल सेवामा भारत सरकारको एकाधिकार कायम रहदै आएको थियो । सम्झौता भएको करिव २ महिना पछि सम्झौता गरेको रेल नेपालमा सामान लिएर आइपुगेको हो ।
नेपाल सरकार र भारत सरकार बीच २०६१ सालमा रेल सेवा सम्झौता भएको थियोे ।
प्रतिक्रिया