साफ च्याम्पियनसिपको फाइनल खेल गोलरहित बराबरीमा पहिलो हाफ सकियो

काठमाडौं । नेपाल र भारतबीच साफ च्याम्पियनसिपको फाइनल खेल गोल बिहिन अवस्थामा नै पहिलो हाफ सकिएको छ । माल्दिभ्सको राष्ट्रिय फुटबल रंगशालामा जारी खेलको पहिलो हाफ सकिँदासम्म दुबै देशका खेलाडीहरुले गाल गर्न सकेका छैनन् । उनीहरुको खेलमा स्कोर गोल रहित बराबरीमा रहेको छ ।

खेल शूरु भएसँग भएको भारी वर्षका कारण खेलाडीहरु खुलेर खेल्न नसकिरहेको स्पष्ट देखिएको छ । बलमा अधिकांश समय भारतले नियन्त्रण बनाइरहे पनि दुवै टोली गोलका अवसर सिर्जना गर्नबाट भने चुकिरहेका छन् । पहिलो हाफमा नेपालका लागि नवयुग श्रेष्ठ र भारतका लागि कप्तान सुनिल क्षेत्रीले गोलका अवसर गुमाएका थिए । नेपालका गोलकिपर किरण चेम्जोङको उत्कृष्ठ प्रदर्शनले भारतको गोल प्रयास असफल हुँदै गएको छ ।

नेपाल पहिलोपटक यो प्रतियोगिताको फाइनलमा प्रवेश गरेको हो भने भारतले यो प्रतियोगिता सर्वाधिक सात पटक जितिसकेको छ । सन् २००३ बाहेक भारत सधैँ प्रतियोगिताको फाइनलमा पुगेको छ । भारतका लागि कप्तान सुनिल क्षेत्रीले प्रतियोगितामा सर्वाधिक ४ गोल गरेका छन् ।