काठमाण्डौं । नेपाल कम्युनिष्ट पार्टी [नेकपा]को सचिवालय बैठक डेढ घन्टा पछि सरेको छ । नेकपा अध्यक्ष केपी शर्मा ओलीको आफु निकट नेताहरुसंगको परामर्श नसकिएपछि बैठकको समय सारिएको बताईएको छ । दिउँसो चार बजे बस्ने भनिएको बैठक अब बेलुकी ५ः३० बजे बस्ने नेकपा प्रवक्ता नारायणकाजी श्रेष्ठ प्रकाशले जानकारी दिनुभयो । वैशाख १७ गते स्थगित भएको बैठक आज दिउँसो चार बजे बस्ने भनिएको थियो ।
बैठकको पुर्व तयारीकारुपमा सचिवालयका शिर्श नेताहरुले भेटघाट र परामर्शलाई तिब्र बनाएकाछन् । प्रधानमन्त्री ओली सहित बरिष्ठ नेता माधव नेपालले पनि आफु निकट नेताहरुसंगको भेटघाट जारी राख्नुभएको छ ।
सचिवालय बैठकका विषयमा छलफल गर्न अध्यक्ष पुष्पकमल दाहाल प्रचण्ड शुक्रबार प्रधानमन्त्री केपी ओलीलाई भेट्न बालुवाटार र वरिष्ठ नेता माधव नेपाललाई भेट्न कोटेश्वर पुग्नु भएको थियो ।
पछिल्लो समयमा नेकपा भित्र देखिएको विवादपछि वस्ने आजको सचिवालय बैठकलाई चासोपूर्ण रुपमा हेरिएको छ ।
प्रतिक्रिया