राष्ट्रपतिबाट संघीय संसदको बजेट अधिवेशन आह्वान

काठमाडौं । राष्ट्रपति विद्यादेवी भण्डारीले बैशाख २६ गते संघीय संसदको वजेट अधिवेशन आह्वान गर्नुभएको छ ।

आइतबार दिउसो बसेको मन्त्रिपरिषद्को बैठकले बैशाख २६ गते अपरान्ह ४ बजे बस्नेगरी संसदको बजेट अधिवेशन आह्वान गर्न राष्ट्रपतिलाई सिफारिस गर्ने निर्णय गरेको थियो ।

बजेट अधिवेशनमा सरकारको नीति तथा कार्यक्रम पारित गर्ने र जेठ १५ गते आर्थिक वर्ष २०७७÷७८को बार्षिक बजेट प्रस्तुत हुनेछ । अधिवेशन सुरु भएपछि तोकिएको दिनमा राष्ट्रपति भण्डारीले सरकारको नीति तथा कार्यक्रम सार्वजनिक गर्नुहुनेछ ।