काठमाडौं । संघीय संसदको महासचिवमा डा. भरतराज गौतम नियुक्त हुनुभएको छ
राष्ट्रपति विद्यादेवी भण्डारीले सोमबार डा. गौतमलाई महासचिवमा नियुक्त गर्नुभएको हो । नेपालको संविधानको धारा १०६ को उपधारा १ बमोजिम कास्कीका गौतमलाई संसदको महासचिवमा नियुक्त गरेको राष्ट्रपति कार्यालयबाट जारी विज्ञप्तिमा जनाइएको छ ।
त्यसअघि, सोमबार दिउँसो सभामुख अग्निप्रसाद सापकोटा र राष्ट्रियसभा अध्यक्ष गणेशप्रसाद तिमिल्सिनाले संघीय संसदका सचिव गौतमलाई महासचिव नियुक्त गर्न सिफारिस गर्नुभएको थियो ।
पूर्व महासचिव मनोहरप्रसाद भट्टराईले अवकाश पाएपछि सभामुख अग्निप्रसाद सापकोटाले सचिव गोपालनाथ योगीलाई कार्यवाहक महासचिवको जिम्मेवारी दिनुभएको थियो ।
प्रतिक्रिया