काठमाडौं। प्रधानमन्त्री केपी शर्मा ओलीले प्रधानमन्त्री निवास बालुवाटार परिसरमा रहेको गौतम बुद्धको प्रतिमामा माल्यार्पण गर्नुभएको छ ।
प्रधानमन्त्री ओलीले २५६४औँ बुद्धजयन्तीको अवसरमा बुद्धको प्रतिमामा बिहीबार दिउसो माल्यार्पण गर्नुभएको प्रधानमन्त्री ओलीका प्रेस सल्लाहकार सूर्य थापाले जानकारी दिनुभयो । त्यसअवसरमा प्रधानमन्त्रीसँगै उहाँकी धर्मपत्नी राधिका शाक्य पनि सहभागी हुनुहुन्थ्यो ।
बुद्ध जन्यन्तीकै अवसर पारेर सरकारले आज साँझ ७ बजे दीप प्रज्ज्वलन गर्न देशवासीलाई आह्वान गरेको छ । कोरोना भाइरसको वैश्विक महामारी विरुद्ध लडाईंमा अग्रमोर्चामा सामेल सबैजना, बिरामीहरु एवं मृतकको सम्झनामा दीप प्रज्ज्वलन गर्न सरकारले आह्वान गरेको हो ।
प्रतिक्रिया