काठमाडौं । कालापानी, लिपुलेकमा भारतले नेपालको १९ किलोमिटर भुमि मिचेर सडक उदघाटन गरेको चर्चा सेलाउन नपाउंदै चीनको एक सन्चार माध्यमले सर्वोच्च शिखर सगरमाथालाई चीनमा पर्ने उल्लेख गरेर नयां बिबादको सुरुवात गरेको छ ।
चीनको ‘चाइना ग्लोबल टेलिभिजन नेटवर्क [सीजीटीएन]ले ट्वीटर मार्फत सगरमाथा चिनिया भुभागमा पर्ने उल्लेख गरेको छ ।
सगरमाथा क्षेत्रका केही तस्वीरसमेत राखेर सीजीटीएनको आधिकारिक ट्वीटर ह्याण्डलमा सगरमाथालाई चीनको तिब्बत स्वायत्त क्षेत्रमा पर्ने विश्वको सर्वोच्च शिखर भनेर उल्लेख गरिएको छ ।
सीजीटीएनले गलत सूचना सम्प्रेषण गरेसंगै नेपाल लगायत बिश्व समुदायका सामाजिक सन्जालमा चिनिया दाबीको विरोध पनि सुरु भएको छ । सामाजिक सञ्जालकर्ताहरुले ऐतिहासिक तथ्य हेर्न र सच्याउन चिनिया सञ्चारमाध्यमलाई सुझाव दिइरहेका छन् ।
ऐतिहासिक तथ्यांक अनुसार सगरमाथाको उत्तरी मोहडा मात्र चीनतर्फ पर्दछ । चिनियाँ समाचार एजेन्सी सिन्ह्वाका अनुसार उत्तरी मोहडाबाट चीनले सगरमाथाको उचाइ नाप्न सुरु गरेको छ । त्यसका लागि गत बुधबार चिनियाँ सर्भेयर र आरोहीको टोली आधार शिविर पुगेका छन् ।
भारतीय सर्भेयरको सहयोगमा सगरमाथाको उचाइ पहिलोपटक सन् १९५० को दशकमा नापिएको थियो । त्यतिबेलादेखि हालसम्म सगरमाथाको आधिकारिक उचाइ ८ हजार ८ सय ४८ मिटर मानिएको छ ।
सन् वि.सं. २०७२ मा नेपालमा आएको भूकम्पले सगरमाथाको उचाइ केही घटेको हुन सक्ने अनुमान पनि गरिएको छ । गत वर्ष जेठ महिनामा नेपालको नापी विभागको टोली सगरमाथाको उचाइ नापेर फर्किएपनि हालसम्म त्यसको रिपोर्ट सार्वजनिक गरिएको छैन ।
The transition camp of Mount #Qomolangma lies at an altitude of 5,800 meters in southwest China's Tibet Autonomous Region.
It is an important stop connecting the base camp and the advance camp. #InTibet #QomolangmaZoomIn pic.twitter.com/GQ1EhE6z1x— FlyOverChina (@FlyOverChina) May 9, 2020
प्रतिक्रिया