बुटवल । थप ९ जनामा कोरोना संक्रमण पुष्टि भएको छ ।राष्ट्रिय जनस्वास्थ्य प्रयोगशालामा भएको परिक्षण तथा भेरी अस्पताल नेपालगन्जमा गरिएको परिक्षणबाट थप ९ जनामा कोरोना भाइरस पोजिटिभ रिपोर्ट आएको पुष्टी भएको छ ।
स्वास्थ्य तथा जनसंख्या मन्त्रालयका अनुसार मकवानपुरका ३७ बर्षिय पुरुष र बांके नरैनापुर १, ३ र ५ नम्बर वार्ड ठेगाना भएका १८, २०, २२, २५, २५, २७, ३२ र ३६ बर्षका पुरुषहरुमा संक्रमण पुष्टी भएको छ ।
बांकेमा पुष्टी भएका संक्रमितहरु दक्षिण भारतबाट रेलमार्गहुंदै सिमामा आएर नेपाल भित्रिएका र स्थानीय क्वारेन्टाईनमा रहेकाहरु भएको प्रदेश ५ मुख्यमन्त्री शंकर पोखरेलले फेसबुक मार्फत जानकारी दिनु भएको छ । उहांले भारतीय रेलयात्रा कोरोनाबाट असुरक्षित भएको समेत उल्लेख गर्नुभएको छ ।
यो संगै नेपालमा संक्रमितहरुको संख्या २५८ पुगेको छ ।
प्रतिक्रिया