१ लाख म्यादी प्रहरीका लागि भर्ना खुल्यो

काठमाडौं । नेपाल प्रहरीले आगामी स्थानीय तह निर्वाचनलाई लक्षित गर्दै म्यादी प्रहरीको भर्ना खोलेको छ । स्थानीय तह निर्वाचनका लागि भन्दै प्रहरी प्रधान कार्यालयले १ लाख म्यादी प्रहरी भर्नाका लागि दरखास्त आह्वान गरेको छ । प्रहरी प्रधान कार्यालयले आज (मंगलबार) १ लाख म्यादी प्रहरीका लागि दरखास्त आह्वान गरेको हो ।

सूचना अनुसार चैत ६ बाट चैत ११ सम्म म्यादी प्रहरीमा भर्ना हुन चाहनेहरुले दरखास्त दिन सक्नेछन् भने म्यादी प्रहरीको फारम देशभरका जिल्ला प्रहरी कार्यालय र काठमाडौं उपत्यकाका ३ वटा प्रहरी परिसरमा लिन सक्ने व्यवस्था मिलाइएको छ । साधारण लेखपढ गर्न जानेकाहरूले समेत म्यादी प्रहरीमा आवेदन दिन पाउने सूचनामा उल्लेख छ ।

सुरक्षा निकायमा २०७८ साउन १ पछि भर्नाको लागि आवेदन दिएर शारीरिक तन्दुरुस्ती र स्वास्थ्य परिक्षणमा उत्तिर्ण भएकालाई प्राथमिकता दिइने सूचनामा उल्लेख गर्दै प्रहरी प्रधान कार्यालयले पूर्व सुरक्षाकर्मी र पूर्व वन रक्षकले पनि म्यादी भर्नामा प्राथामिकता पाउने जनाइएको छ ।

प्रहरीका अनुसार २०७८ चैत १५ बाट म्यादी प्रहरीको छनौट सुरु हुनेछ भने चैत २२ मा अन्तिम नतिजा प्रकाशन गरिने प्रहरी प्रधान कार्यालयले जनाएको छ ।

[pdf-embedder url=”http://3.0.214.97/wp-content/uploads/2022/03/myadi-police-vacany_notice_2078-12-01.pdf”]