बुटवल । बुटवलमा जारी १६ औ मनमोहन स्मृति वडा स्तरिय रनिङ शिल्ड नकआउट फुटबल प्रतियोगिता २०७८ मा सेमीफाईनल खेल खेल्ने अन्तिम चार टिमको टुगो लागेको छ ।
बिहिबार भएको अन्तिम क्वाटरफाईनल खेलमा वडा नं. ८ ले वडा नं. १९ माथि १-० गोल अन्तरको जित निकालेको हो ।
बुटवल उपमहानगरपालिकाको सहयोग तथा राष्ट्रिय युवा संघ नेपाल उपमहानगरपालिकाको आयोजनामा भएको प्रतियोगितामा सिद्धेश्वर खेलमैदानमा भएको अन्तिम क्वाटरफाईनल खेलमा वडा नं ८ को जितमा मनोज गुरुङले खेलको १२ औ मिनेटमा एकमात्र गोल गरेका थिए । खेलमा वडा नं. १९ का सरोज गलामी म्यान अफ दी म्याचबाट पुरस्कृत भए ।
प्रतियोगिताको उपाधि विजेताले नगद ६० हजार रुपैया, कप, मेडल, प्रमाणपत्र तथा उपविजेता टिमलाई नगद ३० हजार रुपैया, कप, मेडल, प्रमाणपत्रबाट पुरस्कृत गरिने अध्यक्ष सुदर्शन खाम्चाले बताए ।
युवाहरुलाई खेलमार्फत भातृत्व विकास गर्ने लक्ष्यसहित प्रतियोगिता आयोजना गरेको प्रचारप्रसार संयोजक गणेश बोहराले बताए । शुक्रबार पहिलो सेमीफाईनल खेल वडा नं. ११ र १७ का बिचमा हुने छ भने शनिबार दोस्रो सेमीफाईनलमा वडा नं ८ ले वडा नं ७ को सामना गर्ने उनले बताए ।
प्रतिक्रिया