भरतपुर अस्पतालको आईसीयूमा एक बिरामीको मृत्यु

६ जेष्ठ २०७७, मंगलबार

चितवन । चितवनको भरतपुर अस्पतालको आइसीयूमा एक बिरामीको मृत्यु भएको छ ।

रौतहटको परोहा नगरपालिका ८ का ६८ बर्षका पुरुषको मंगलबार बिहान मृत्‍यु भएको अस्पतालले जनाएको छ ।

४ महिलना देखि क्षयरोगको औषधी सेवन गरिरहेका ती बिरामीलाई स्वावप्रश्वासको समस्या भएपछि आइतबार राति ९ बजे अस्पतालमा भर्ना गरिएको थियो ।

उनको मृत्युको कारण खुलेको छैन तर कोरोना परीक्षणका लागि स्वाब संकलन गरेर भरतपुरकै कोभिड–१९ परीक्षण प्रयोगशाला पठाइएको छ ।

प्रकाशित मिति : ६ जेष्ठ २०७७, मंगलबार १२ : १५ बजे

प्रतिक्रिया