काठमाडौं । प्रधानमन्त्री केपी शर्मा ओलीले भारतले सधैंभर जप्दै आएको सत्यमेव जयतेको सम्मान हुन्छ कि हुँदैन भनेर प्रश्न गर्नुभएको छ ।
सरकारको नीति तथा कार्यक्रममा सांसदहरुले उठाएको प्रश्नको जवाफ दिने क्रममा प्रधानमन्त्री ओलीले छिमेकी मुलुक भारतसामू लिम्पियाधुरा, कालापानी र लिपुलेकमा सत्यको पक्षमा लाग्ने कि जवरजस्तीको पक्षमा लाग्ने भन्ने निक्र्यौल गर्ने समय आएको बताउनुभएको हो ।
नेपाली भूमि फिर्ता गर्ने विषयमा भारतको निशान छापमा रहेको सत्यमेव जयतेलाई स्मरण गर्दै प्रश्न गर्नुभयो, सत्यमेव जयते कि सिंहमेव जयते ? भारतको पछिल्लो क्रियाकलापले भारत सत्यको पक्षमा नभै जवरजस्तीको पक्षमा रहेको देखिएको उहाँले आंकलन गर्नुभयो ।
लिम्पियाधुरा लिपुलेक कालापनी नेपालको भएको र त्यसलाई फिर्ता ल्याइछाड्ने सरकारको प्रतिवद्धता उहाँले दोहोर्याउनुभयो । भूमि फिर्ता सजिलो छैन भन्ने देखिएको भन्दै प्रधानमन्त्री ओलीले भने, ‘भारतको एउटा प्रतिक चिन्ह छ भारत भनेर चिनिने । अशोकाले स्थापना गरेको चार मुखे सिंह । त्यसको मुनी सत्यमेव जयदेव लेखेको छ । म सोध्ने वाला सत्यमेव जयते कि सिंहमेव जयते ?’
नेपाल सत्यमा विश्वास गर्नेभएका कारण भूमि फिर्ता गर्न सकिन्छ भन्ने विश्वास रहेको उहाँले बताउनुभयो ।
प्रतिक्रिया