काठमाडौं । इन्डियन प्रिमियर लिग (आइपिएल) क्रिकेटमा गएराति भएको खेलमा रोयल च्यालेन्जर्स बेंगलोरलाई हराउँदै राजस्थान रोयल्स शीर्षस्थानमा उक्लिएको छ ।
पुनेमा भएको खेलमा राजस्थानले बेंलोरलाई २९ रनले पराजित गरेको हो। राजस्थानले दिएको १४५ रनको लक्ष्य पछ्याउने क्रममा बेंगलोर १९.३ ओभरमा सबै विकेट गुमाएर ११५ रनमै समेटियो ।
यो राजस्थानको छैटौं जित हो । योसँगै १२ अंक जोडेर राजस्थान शीर्षस्थानमा उक्लिएको छ ।
पहिले ब्याटिङ गरेको राजस्थानले आठ विकेटको क्षतिमा १४४ रन बनाएको थियो। राजस्थानका लागि रियान परागले ५६ रन बनाएका थिए।
त्यस्तै, सञ्जु सामसनले २७ र रविचन्द्र आश्विनले १७ रन बनाए। बेंगलोरका लागि मोहमद सिराज, जोश हाजलउड र बानिन्दु हसरंगाले २-२ विकेट लिए ।
प्रतिक्रिया