काठमाडौं । चलचित्र अभिनेता भुवन केसी र अभिनेतृ स्वेता खड्का नेपाली कांग्रेसमा प्रवेश गरेका छन् ।
अभिनेता केसी र खड्कासहित कलाकार रविन्द्र खड्का पनि कांग्रेसमा प्रवेश गरेका हुन् ।
प्रधानमन्त्री निवास बालुवाटारमा आयोजित कार्यक्रममा उनीहरुलाई प्रधानमन्त्री एवं पार्टी सभापति शेरबहादुर देउवाले पार्टीमा भित्र्याएका छन् । त्यसक्रममा देउवाले नवप्रवेशी कलाकारहरुलाई पार्टीमा सम्मानपूर्वक उचित जिम्मेवारी दिने आश्वासन दिएका छन् ।
यसअघि एमालेको सदस्यता लिएका केसी पछिल्लो समय निस्क्रिय थिए । कलाकारहरुलाई कांग्रेसमा भित्र्याउन अभिनेता निर शाह लगायतले काँग्रेसमा प्रवेश गराउनका लागि पहल गरेको बताइएको छ । खड्का भने पहिलोपटक कुनै पनि राजनीतिक दलमा खुलेकी हुन् ।
प्रतिक्रिया