काठमाडौं। निर्वाचन आयोगले जनता समाजवादी पार्टीका संघीय परिषद अध्यक्ष एवं बाबुराम भट्टराईलाई २४ घण्टे स्पष्टीकरण सोधेको छ ।
भट्टराईले गोरखाको पालुङटार नगरपालिका १ अन्नपूर्ण मावि मतदान केन्द्रबाट आफुले छाता चिन्हमा गरेको मतसंकेतसहितको मतपत्र सार्वजनिक गरेका थिए ।
त्यसलगत्तै सबैतिरबाट आलोचना हुनथालेपछि भट्टराईले गोप्य मतदानप्रति असहमति जनाउँदै गोप्य मतदान भन्ने कुनै सिद्धान्त नभएको जिकिर गरेका थिए ।
तर निर्वाचन आयोगले भने गोप्य मतदान सार्वजनिक गरेको आरोपमा भट्टराईलाई १५ हजार रुपैयाँ जरिवाना किन गर्न नपर्ने भन्दै २४ घण्टाभित्र स्पष्टिकरण बुझाउन भनेको छ । मतसंकेत सार्वजनिक गरेमा १५ हजार रुपैयाँ जरिवाना गर्ने व्यवस्था स्थानीय तह निर्वाचनको आचारसंहितामा रहेको छ ।
आयोगको स्पष्टिकरणसहितको पत्र भट्टराईलाई भाइबर मार्फत पठाइएको छ ।
प्रतिक्रिया