काठमाडौं । जनता समाजवादी पार्टी जसपाका उम्मेदवारले गोरखाको पालुङटार नगरपालिकाको मेयरमा अग्रता लिएका छन् ।
अहिलेसम्म ७०० मतगणना हुँदा जसपाका मेयरका उम्मेदवार प्रेम गुरुङले २५५ मत पाएका छन् ।
गुरुङलाई कांग्रेसका दीपकबाबु कँडेलले १९१ मतका साथ पच्छाइरहेका छन् । कँडेल २०७४ सालको निर्वाचनमा मेयरमा विजयी भएका थिए । यस्तै, नेकपा माओवादी केन्द्रका उम्मेदवार विवश चिन्तनले १६४ मत पाएका छन् भने एमालेका उम्मेदवार हरि भट्टले ४४ मत पाएका छन् ।
पालुङटारमा जसपाले पहिला कांग्रेससँग गठबन्धन बनाएको थियो । तर, जसपा कांग्रेसबीच कचपच परेपछि चुनावको मुखैमा एमालेसँग तालमेल गरेको थियो ।
उपमेयरमा भने नेपाली कांग्रेसकी चेतकुमारी श्रेष्ठ १८८ मतका साथ अग्रस्थानमा छिन् । उनलाई माओवादी केन्द्रकी बन्दना पाण्डेले १६९ मतका साथ पच्छ्याइरहेकी छिन । उपमेयरमा एमाले उम्मेदवार पार्वती पाठकले ५२ मत पाएकी छन् ।
प्रतिक्रिया