वलिउडका चर्चित अभिनेता किरण कुमारलाई एसिम्प्टोमेटिक कोरोना

बलिउडका चर्चित अभिनेता किरण कुमारलाई कोरोना भाइरस पोजेटिभ देखिएको छ । किरण कुमारलाई गत मे १४ मा कोरोना संक्रमण पुष्टि भएको थियो । उनलाई कोरोनाको कुनै लक्षण बिना पोजेटिभ (एसिम्प्टोमेटिक) देखिएको थियो ।

किरणले न्यूज १८ लाई बताएका छन् कि उनी केही दिन पहिले सामान्य औषधोपचारका लागि अस्प्ताल गएका थिए । उनलाई कोरोनाभाइरसको परीक्षण गराउन भनिएको थियो। मे १४ मा परीक्षण सकारात्मक देखिए पछि अहिले उनी घरमै क्वारेन्टाइनमा बसेका छन् ।

‘मलाई कुनै लक्षण विना कोरोना सकारात्मक देखिएको छ । मैले मे १४ मा परीक्षण गरेको थिए । पछिपछि मलाई कोरोनाभाइरस भएको पत्ता लगायो। तर मलाई न त ज्वरो छ, न खोकी छ, न कुनै श्वासफेर्दा कुनै अप्ठ्यारो भएको छ । म ठिकै छु । घरमा मैले क्वारेन्टाइनमा बसेको छु। यो १० दिनको बीचमा पनि ममा कुनै लक्षण विकास भएको छैन’, उनले भने ।

उनी अहिले आफ्नो घरको तेस्रो तलामा बसेका छन् । घरका अन्य परिवार दोस्रो तलामा बस्छन् ।

वलिउडका धेरै चलचित्रमा किरण कुमारले अभिनेताको अभिनय गरेका छ्न ।

वलिउड इन्ट्रस्ट्रीमा अभिनेत्री कनिका कुपरलाई सबैभन्दा पहिला कोरोना भाइरस पोजेटिभ देखिएको थियो । उनको लखनउमा उपचार भएको थियो ।

यसैगरी निर्माता करीम मोरानी र उनकी छोरीहरू जोआ र शाजालाई पनि कोरोनाभाइरस पत्ता लागेको थियो। यद्यपि उनीहरूलाई निको भैसकेको छ ।