झापा । मेचीनगर नगरपालिकाको प्रमुखमा नेकपा (एमाले)का गोपालचन्द्र बुढाथोकी २६ हजार ४७८ मत प्राप्त गरी निर्वाचित भएका छन् । उनका निकटतम् प्रतिस्पर्धी नेपाली कांग्रेसका इन्द्रबहादुर बुढाथोकीले २१ हजार ३११ मत प्राप्त गरे ।
यसैगरी, उपप्रमुख पनि एमालेकै मीना उप्रेती २१ हजार ५९० मत पाएर निर्वाचित भइन् । उनका निकटतम् प्रतिस्पर्धी नेकपा (माओवादी केन्द्र)का उम्मेदवार प्रकाश भण्डारीले १२ हजार ८१८ मत प्राप्त गरे ।
नगरका ११ वडामध्ये १, २, ३, ४, ५, ७, ९, १०, ११, १२, १३ का वडाध्यक्षमा एमाले विजयी बनेको छ भने वडा नम्बर ६, ८ र १५ मा कांग्रेस र वडा नम्बर १४ मा माओवादी केन्द्र विजयी बनेको छ ।
झापाका सात पालिकामा एमाले प्रमुख पदमा विजयी बनेको छ भने ६ मा कांग्रेस र दुईमा राप्रपाले जित हासिल गरेका छन् ।
प्रतिक्रिया