२५ जेष्ठ २०८०, बिहिबार | June 8, 2023

सामुदायिक र निजी विद्यालयबीच एकै ब्यवहार गर्न माग



बुटवल । राष्ट्रिय शिक्षा नीतिले संस्थागत शिक्षालयहरुलाई कसरी सम्बोधन गर्छ भन्ने चिन्ता बढेको निजी विद्यालय संचालकहरुले गुनासो गरेका छन् ।

संस्थागत र सामुदायिक विद्यालयबीचमा सौतेलो ब्यवहार गर्दै गर्दै आएको राज्यले आरक्षण, छात्रवृति तथा अवसर र तालिमका विषयमा विभेद गरेको उनीहरुले आरोप लगाए । उच्च शिक्षालय तथा माध्यमिक विद्यालय संघ (हिसान) रुपन्देहीको १० औं साधारण सभा कार्यक्रममा सहभागि भएका निजी विद्यालय संचालकहरुले शैक्षिक ईज्यत जोगाउने चोलीका रुपमा रहेका संस्थागत विद्यालयलाई विभेद गर्न नहुने सुझाव राज्यलाई दिएका छन् । कार्यक्रममा उच्च शिक्षालय तथा माध्यमिक विद्यालय संघका केन्द्रीय बरिष्ठ उपाध्यक्ष नवराज पाण्डेले बन्दै गरेको शिक्षा नीतिले सामुदायिक र संस्थागत विद्यालयको खाडललाई पुर्न पर्ने बताउनुभयो ।

उहाँले विद्यार्थीको गुणस्तरसँगै गुणात्मक शिक्षा प्रदान गर्न महत्वपुर्ण भुमिका खेलेका निजी शिक्षालयहरुलाई यो त्यो बहानामा अलग्याउने खेल नखेल्न राज्यलाई सुझाव दिनुभयो । हिसान रुपन्देहीका अध्यक्ष कृष्ण पौडेलको अध्यक्षतामा भएको कार्यक्रममा प्रदेश ५ शिक्षा निर्देशनालयका प्रमुख मनोज गैरे, शिक्षा विकास समन्वय ईकाइ रुपन्देहीका प्रमुख दिपेन्द्र ढकाल, हिसानका केन्द्रीय निर्देशक आरसी आचार्य, प्याब्सन नेपालका केन्द्रीय सल्लाहकार लोकनाथ उपाध्याय, प्याब्सनका केन्द्रीय सदस्य टिकाराम न्यौपाने, पुर्व जिल्ला शिक्षा अधिकारी टेवबहादुर थापा, पुस्तक तथा स्टेशनरी ब्यवसायी महासंघका अध्यक्ष मनोहरी बस्याल, हिसानका पुर्व अध्यक्ष टुकबहादुर क्षेत्री, अनन्तराम शर्मा, हिसान नवलपरासीका अध्यक्ष सागर पाण्डे, कपिलबस्तुका बासुदेव घिमिरे, रुपन्देही उपाध्यक्ष दिनेश भुषाल लगायतले सामुदायिक र संस्थागत विद्यालयको शिक्षामा समान योगदान रहेकाले एकै ब्यवहार गर्नु पर्ने बताउनुभयो ।

हिसानका रुपन्देही सचिव पुष्प घिमिरेको संचालनमा भएको कार्यक्रममा अध्यक्ष पौडेलले हालै मन्त्रीपरिषद्बाट पास भएको राष्ट्रिय शिक्षा नीतिसँग बाझिने गरि बनाइएका मस्यौदाहरु छलफलमा ल्याईरहनु नियम विपरीत हुने भएकाले राष्ट्रिय शिक्षा नीति टेकेर ऐन नियमावली पास गर्ने ब्यवस्था गर्र्नुपर्ने, निजी शिक्षालयहरुलाई सहज रुपमा प्राविधिक शिक्षा संचालनको सम्वन्धन दिने ब्यवस्था गर्न तथा निजी लगानीकर्ताहरुलाई आकर्षित गर्ने खालका कार्यक्रम घोषणा गर्नु पर्ने जस्ता प्रस्तावहरु प्रस्तुत गर्नु भएको थियो ।

सोही अवसरमा तिलोत्तमाकर्मी पत्रकार झविन्द्र देवकोटा सहित रुपन्देहीका पाँच जना पत्रकारलाई उत्कृष्ट शैक्षिक पत्रकारिता पुरस्कार प्रदान गरिएको छ । रुपन्देहीको शिक्षा क्षेत्रमा महत्वपुर्ण योगदान दिएको भन्दै पत्रकार देवकोटा सहित बुटवल टुडेका पत्रकार कृष्ण मल्ल, रातोपाटी अनलाईनका पत्रकार तेजेन्द्र केसी, मेचिकाली दैनिकका पत्रकार प्रकाश आचार्य, बुद्ध टेलिभिजनका पत्रकार कपिल ज्ञवालीलाई सम्मानपत्र, नगद र दोसल्ला ओडाएर पुरस्कृत गरिएको हो ।

रुपन्देहीका पाँच पत्रकारहरुलाई उत्कृष्ट शैक्षिक पत्रकारिता पुरस्कार प्रदान गरिएको हिसानका तुल्सीप्रसाद सापकोटाले बताउनुभयो ।

प्रकाशित मिति : १६ फाल्गुन २०७६, शुक्रबार  ६ : ५२ बजे

Nepal becomes self-reliant on cornea production, Nepal Eye Bank

KATHMANDU: With the rise in number of eye donors in

कर्णालीको नीति तथा कार्यक्रममा शिक्षा, स्वास्थ्य, रोजगार, पूर्वाधार र सुशासन प्राथमिकता

सुर्खेत । कर्णाली प्रदेश सरकारले आगामी आर्थिक वर्ष २०८०–८१ को

लखनउको किङ्ग जर्ज मेडिकल युनिभर्सिटीमा आगलागी

लखनउ । लखनउको किङ्ग जर्ज मेडिकल युनिभर्सिटीको निर्माणाधीन भवनमा बिहीबार

चलचित्र ‘परस्त्री’को ट्रेलर सार्वजनिक

काठमाडौं । चलचित्र ‘परस्त्री’को ट्रेलर सार्वजनिक गरिएको छ । विवाहेत्तर

एसियन कप छनोट : नेपाल चीनसँग पराजित

काठमाडौं । एएफसी यु-२० महिला एसियन कप छनोटको दोस्रो चरणअन्तर्गत