२२ माघ २०७९, आइतबार | February 6, 2023

एसियन च्यालेन्जर ट्रफी क्रिकेट प्रतियोगिता, असरक स्पोर्टस् र शंकरनगर क्रिकेट क्लब विजयी



भैरहवा । भैरहवामा सञ्चालित अन्तरदेशीय एसियन च्यालेन्जर ट्रफी (क्लब) क्रिकेट प्रतियोगिता अन्र्तगत आइतबार भएको खेलमा असरक स्पोर्टस् क्लब बंगलादेश र शंकरनगर क्रिकेट क्लब रुपन्देही विजयी भएका छन् ।

असरक स्पोर्टस्ले वेस्टर्न क्रिकेट क्लब बुटवललाई ४३ रनले र शंकरनगर क्रिकेट क्लबले गुजरात लायन्स पाकिस्तानलाई ९ विकेटले पराजित गरेको हो ।पहिलो खेलमा टस जितेर व्याटिङ गरेको असरक स्पोर्टस्ले निर्धारित २० ओभरमा ७ विकेट गुमाउँदै १२३ रनको योगफल बनायो । उसका लागि अली समदले ४८, ओस्कर कोल्कले २० र हमिद अहमदजाईले १५ रनको योगदान गरे ।

बलिङमा वेस्टर्नका कृष्ण कार्की र हर्जित सिंहले २/२ तथा विक्रम सोब, सागर ढकाल र कुशल भुर्तेलले १/१ विकेट लिए ।जवाफमा वेस्टर्नले १५ दशमलव ५ ओभरमा ९ विकेट गुमाउँदै ८० रन बनायो । उसका लागि प्रदिप ऐरीले २३ र सुमित महर्जनले ११ रनको योगदान गरे । बलिङमा असरक स्पोर्टस्का अलि समदले ३, मोहम्मद सजाद हुसेनले २ तथा निश्कोलस विल्सन, ओस्कर कोल्क र मनान चावलाले १/१ विकेट लिए ।

खेलमा असरक स्पोर्टस्का अली समद म्यान अफ द म्याच घोषित भए ।दोस्रो खेलमा टस जितेर व्याटिङ गरेको गुजरात लायन्सले निर्धारित २० ओभरमध्ये १८ दशमलव ३ ओभरमा १० विकेट गुमाउँदै ९३ रनको योगफल बनायो । उसका लागि जफिर जमसिदले २५ र सैद इसरार साहले २१ रनको योगदान गरे ।

बलिङमा शंकरनगर क्रिकेट क्लबका विक्रम भुसालले ३, दुर्गेश गुप्ता, सन्दिप सुनार र अनिल खरेलले २÷२ तथा सुरज दराईले १ विकेट लिए ।जवाफमा शंकरनगर क्रिकेट क्लबले १२ दशमलव २ ओभरमा १ विकेटको क्षतिमा ९४ रन बनायो । उसका लागि शंकर रानाले ३७ (नटआउट), देव खनालले २३ (नटआउट) र सन्दिप सुनारले १६ रनको योगदान गरे । बलिङमा गुजरात लायन्सका मजिद इलियासले १ विकेट लिए । खेलमा शंकरनगर क्रिकेट क्लबका विक्रम भुसाल घोषित भए ।

सोमबारको पहिलो खेल सहारा क्रिकेट क्लब हैदराबाद (भारत) र राइनो क्रिकेट क्लब काठमाण्डौं तथा दोस्रो खेल अल्फा वारियर्स मुम्बई र वेस्टर्न क्रिकेट क्लब बुटवलबीच हुने रुपन्देही क्रिकेट संघका अध्यक्ष प्रशान्त विक्रम मल्लले बताए । भैरहवा क्वीन्स प्रा.लि.को आयोजना, राइनो स्पोर्ट्सको संयोजन तथा रुपन्देही क्रिकेट संघको प्राविधिक सहयोगमा भैरहवास्थित सिद्धार्थ रंगशालामा सञ्चालित अन्तरदेशीय टी–ट्वान्टी प्रतियोगितामा नेपालसहित भारत, बंगलादेश पाकिस्तानका गरी ८ वटा व्यवसायिक क्लबले प्रतिष्पर्धा गर्दैछन् ।

प्रतियोगिताको ह्वाक नेपाल, कामना सेवा बैंक, स्प्यारो एसएमएसले प्रायोजन गरेको छ भने प्रतियोगिताको विजेताले ३ लाख नगद पुरस्कार पाउनेछ ।

प्रकाशित मिति : १८ फाल्गुन २०७६, आइतबार  ६ : ४४ बजे

७ बुँदे बुटवल घोषणापत्र जारी गर्दै सकियो उपमहानगर सम्मेलन

बुटवल । ७ बुँदे बुटवल घोषणा पत्र जारी गर्दै उपमहानगरपालिकाहरुको

माघ २९ गतेका लागि एमालेले बोलायो केन्द्रीय कमिटी बैठक

काठमाडौं । निर्वाचनको समीक्षालगायत विषयमा छलफल गर्न नेकपा (एमाले) को

रास्वपाका मन्त्रीले प्रधानमन्त्रीलाई बुझाए राजीनामा

काठमाडौं । राष्ट्रिय स्वतन्त्र पार्टीबाट मन्त्री भएकाहरूले प्रधानमन्त्री पुष्पकमल दाहाल

बालुवाटारमा नेत्रविक्रम चन्द ‘विप्लव’र प्रधानमन्त्री प्रचण्डबीच भेटवार्ता

काठमाडौं । नेकपाका महासचिव नेत्रविक्रम चन्द ‘विप्लव’ र नेता खड्गबहादुर

रवि लामिछानेको अभिव्यक्ति प्रति पत्रकार महासंघको आपत्ति

काठमाडौं । पूर्व उपप्रधान तथा गृहमन्त्री रवि लामिछानेले पत्रकार सममेलनमा