काठमाडौ । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’लाई जुत्ता प्रहार गर्ने युवक प्रतिबन्धित नेकपाको कार्यकर्ता रहेको खुलेको छ ।
जुम्ला सिञ्जा गाउँपालिका २ घोडेङ्गा गाउँका २२ वर्षीय रतन तिरुवा नेत्रविक्रम चन्द ‘विप्लव’ नेतृत्वको नेकपा निकट अखिल क्रान्तिकारीमा आवद्ध रहेको जुम्लाका स्थानीयले बताएका छन् ।
घाडेङ्गा गाउँका स्थानीयकाअनुसार रतनका बाबु मोहन तिरुवाले सशस्त्र द्वन्द्वमा ज्यान गुमाएका थिए । पछिल्लो समय रतन विप्लव नेतृत्वको नेकपामा आवद्ध भएका थिए ।
राष्ट्रिय सभागृहमा आयोजित भरतमोहन अधिकारीको प्रथम स्मृतिसभामा संबोधन गरेर फर्किने क्रममा तिरुवाले प्रचण्डलाई लक्षित गरेर जुत्ता प्रहार गरेका थिए ।
जुत्ता प्रहारको प्रयास गरेका तिरुवालाई प्रहरीले नियन्त्रणमा लिएर अनुसन्धान सुरु गरेको छ ।
प्रतिक्रिया