१२ बैशाख २०८१, बुधबार | April 24, 2024

कोरोनाबाट तंग्रिँदै चीन : ७१८ परियोजना पुनः सुरु, १ लाखभन्दा बढी काममा फर्किए



एजेन्सी । चीनको वुहानबाट सुरु भएको कोरोना भाइरस (कोभिड–१९)को महामारी विश्वका विभिन्न देशहरुमा फैलिरहेको छ ।

तर, सुरुआती संक्रमण देखिएको चीनमा भने यसको संक्रमण फैलने दरमा केही कमी देखिएको छ ।

यससँगै चीनले महत्वपूर्ण परियोजनाको निर्माण कार्य तथा व्यवसायलाई पुनः सुरु गर्ने र उत्पादन कार्यलाई अघि बढाएको सिआरआईले जनाएको छ ।

‘चीनका विभिन्न ठाउँमा गम्भीर रुपमा कोरोना भाइरसको प्रतिरोध गर्नुका साथै शक्तिशाली कदम चालेर महत्वपूर्ण परियोजनाको निर्माण तथा व्यवसाय पुनः शुरु गर्ने र उत्पादन कार्यलाई अघि बढाइएको छ,’ सिआरआइले मंगलबार भनेको छ ।

सन् २०२२ मा चीनको बेइजिङमा हिउँदे ओलम्पिक आयोजना हुँदैछ । त्यसको लागि आवश्यक पूर्वाधार निर्माणको काम पुनः सुरु गरिएको जनाइएको छ ।

‘मार्च दुई तारिखसम्म पैचिङ हिउँदे ओलम्पिक खेलकुद समारोह आयोजना हुने पैचिङ क्षेत्र र यान छिङ्ग क्षेत्र रहेका पच्चीस वटा परियोजनामध्ये चौबिस वटा सुव्यवस्थित रुपमा पुनः सुरु भएका छन्,’ सिआरआइले भनेको छ, ‘निर्माण योजना अनुसार, हिउँदे ओलम्पिक खेलकुद समारोहका सबै रङ्गशालाहरु सन् २०२० को अन्त्यमा पूरा हुने छन् ।’

चीनले कोरोनाका कारण प्रभावित भएका व्यवसायको जग्गा भाडा हटाएर लागत घटाएको जनाइएको छ । सो जानकारीमा ‘बजारको जीवन्त शक्ति थप्न शाङहाई सरकारले सम्बन्धित नीति चालेर कोभिड १९ प्रभावित अवधिमा व्यवसायको जग्गा भाडालाई हटाएर व्यवसायको लागतलाई घटाएको छ,’ उल्लेख छ ।

त्यस्तै छान्तु सहरमा निर्माण गरिएका ७१८ परियोजना पुनः सुरु भएका र ती परियोजनामा काममा फर्केका कर्मचारीको संख्या १ लाख १० हजारभन्दा बढी रहेको जनाइएको छ ।

प्रकाशित मिति : २० फाल्गुन २०७६, मंगलबार  १० : ०५ बजे

बुटवलमा रहेको सिद्धबाबा हस्पिटल एण्ड रिसर्च सेन्टर प्रालि ७ औं वर्षमा प्रवेश

बुटवल । युवा विशेषज्ञ चिकित्सकहरुको लगानीमा स्थापना भएको बुटवलमा सञ्चालित

महोत्तरीको मटिहानीमा सयौ घर जलेर नष्ट, आगो अझैँ नियन्त्रण बाहिर

महोत्तरी । महोत्तरीको मटिहानी नगरपालिकाको वडा नं.६ स्थित जरलहवा गाछीमा

रविको दाबी – हरेक महिना ठूलो भ्रष्टाचारीलाई पक्रन्छु भनेको छु, सप्राइज कुरेर बस्नु होला

इलाम । राष्ट्रिय स्वतन्त्र पार्टी (रास्वपा)का सभापति एवं गृहमन्त्री रवि

तिलोत्तमाको जंगलमा डढेलो निभाउन गएको दमकल आफै जलेर ध्वस्त

बुटवल । रुपन्देहीमा डढेलो निभाउन गएको एक दमकल आफै डढेलोको

कर्णालीका नवनियुक्त मन्त्री परियारले लिए शपथ

सुर्खेत । कर्णाली प्रदेशका नवनियुक्त मन्त्री रणसिंह परियारले पद तथा