१५ चैत्र २०८०, बिहिबार | March 28, 2024

‘हाटबजारको पूर्वाधार विकासमा ध्यान देऊ’



बुटवल । हाटबजार व्यवसायी संघ, रुपन्देहीको १४ औं वार्षिकसाधारणसभा तथा ८ औं अधिवेशन मंगलबार बुटवलमा सम्पन्न भएको छ ।

साधारणसभामा बोल्दै प्रदेश नम्बर पाँचका उद्योग, पर्यटन वन तथा वातावरणमन्त्री लिला गिरीले राज्यले समय अनुसार ल्याउने करको दायरमा व्यवसायीहरूले पनि बदलिन जरुरी रहेको बताउनुभयो ।

व्यवसायीमा करको दायरा समय सुहाउँदो र तिर्न सक्ने गरी ल्याउने गरेको भन्दै त्यसको सही रुपमा व्यवसायीहरूले तिर्नुपर्ने बताउनुभयो । मन्त्री गिरीले साना व्यवसायीहरूलाई राज्यले धेरै करको भार नथोपर्ने स्पष्ट समेत पार्नुभयो । मन्त्री गिरीले भन्नुभयो, ‘उपभोक्ताले स्वस्थ र विषादी रहित खाद्य वस्तु उपलब्ध हुनुपर्छ । त्यसको लागि विभिन्न काम सरकारले गर्दैछ ।’ मन्त्री गिरीले प्रदेश सरकारले हाटबजारको विकासका लागि सहयोग/सहकार्य गर्न तयार रहेको बताउनुभयो ।

कार्यक्रममा बुटवल उपमहानगरपालिका वडा नम्बर चारका वडा अध्यक्ष टंक पराजुलीले हाटबजारको विकासका लागि स्थानीय सरकार सहकार्य गरेर अगाडि बढेको बताउनुभयो । त्यस्तै बुटवल वडा नम्बर ५ का वडा अध्यक्ष तेजप्रसाद सुनारले अर्थतन्त्रलाई चलायमान बनाउन हाटबजारले ठूलो योगदान पु¥याएको चर्चा गर्नुभयो ।

हाटबजार व्यवसायी संघका अध्यक्ष भीमलाल ज्ञवालीलेले स्थानीय तहमा जनजप्रतिनिधिहरु आए पनि हाटबजार क्षेत्रको पूर्वाधार विकासमा ध्यान दिन नसकेको गुनासो गर्नुभयो । ज्ञवालीले हचुवाको भरमा हाटबजारको व्यवस्थापनको लागि टेण्डर खुलाउँदा बजारमा व्यवस्थापनको साटो हजार बजार क्षेत्र भन्दा बाहिर गई ठेकेदारले बैठकी असुल गर्ने प्रवत्तिले बजार व्यवस्थापनमा समस्या देखिएको बताउनुभयो । रुपन्देहीको १ सय २२ स्थानमा हाटबजार सञ्चालन हुँदै आएका छन ।

संघका पूर्व अध्यक्ष प्रकाश खनालले राज्यले हाटबजार व्यवसायीलाई भोट बैंकको रुपमा प्रयोग गरेको बताए । पूर्वाधार नहुँदा खुला आकाशमुनि व्यवसाय गर्न धेरै व्यवसायी बाध्य छन । संघका उपाध्यक्ष छविलाल चापागाईले हाट बजारमा पनि विषादी प्रयोगशाला राख्न आवश्यक रहेको बताउनुभयो । उहाले बजारमा आउने तरकारीको विषादी चेकजाँच भएको पाइँदैन । कार्यक्रममा रुपन्देही व्यापार संघका अध्यक्ष यामलाल लोहनी, नेकपा नगर अध्यक्ष बाबुराम पन्थी, बुटवल उद्योग वाणिज्य संघका उपाध्यक्ष हरि अर्याल, पत्रकार अस्मिना पाण्डे लगायतले बोल्नुभएको थियो ।

सोही अवसरमा हाटबजारको विकास र व्यवसायीको पक्षका कलम चलाएको भन्दै रेडियो मुक्तिका समाचार प्रमुख अस्मिना पाण्डेलाई उत्कृष्ट पत्रकारिता पुरस्कारबाट सम्मानित गरिएको थियो । रुपन्देहीको सेमराबाट २०२४ सालमा हाटबजारको सुरु भएको मानिन्छ ।

संघका अध्यक्ष भीमलाल ज्ञवालीको अध्यक्षता, उपाध्यक्ष छविलाल चापागाईको स्वागत तथा महासचिव नेत्र पोखरेलको सञ्चालनमा कार्यक्रम सम्पन्न भएको थियो ।

प्रकाशित मिति : २० फाल्गुन २०७६, मंगलबार  ४ : १५ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका