बुटवल । पिस लुम्बिनी कलेज अफ टेक्निकल एजुकेसनको आयोजना र देबदह नगरपालिकाको आर्थिक सहयोगमा महिलाहरूको लागि १ महिने पुरुषको कपाल काट्ने तालिम शुरु भएको छ ।
देबदह नगरपालिकाको उपमेयर सङ महिला कार्यक्रम अन्तरगत बिहिबार देखि शुरु भएको हो । तालिमको उद्घाटन नगरपालिकाका नगर प्रमुख हिरा केसिले गर्नुभएको थियो । कार्यक्रममा बोल्दै नगर प्रमुख केसिले महिलाहरुलाई आत्मनिर्भर बनाउन तालिम दिन लागेको बताउनुभयो ।
उहाले सीप लाई ब्यवहारमा लैजान र आय आर्जन गर्न सुझाब दिनुभयो । सीप लिएर घरमा बस्नलाई तालिममा नआउन आग्रह गर्दै तालिमबाट आए मुलक काममा लाग्न आग्रह गर्नुभयो ।
सिकेको सिपले सके स्वदेशमा काम गर्नुपर्ने बताउदै उहाले बैदेशिक रोजगारिमा जान समेत सहयोग पुग्ने बताउनुभयो । महिलामा भएको सिपले नगरको आर्थिक क्रान्तीमा परिवर्तन हुने बताउनुुुभयो ।
उद्घाटन कार्यक्रममा बोल्दै उपप्रमुख बिद्यालक्ष्मी गुरुङ्ले देशको करिब २ तिहाई महिला भएको क्षेत्र भएको बताउदै उहाले महिलाको लागि काम गर्न आवश्यक रहेको महसुस गरेर तालिम सन्चालन गर्दै आएको बताउनुभयो ।
उहाले निर्वाचनमा गरेका वाचाहरु स्वरुप यस्ता तालिम महिलाको लागि बिशेष गरि सन्चालन गरिएको बताउनुभयो । कार्यक्रममा नगरपालिका प्रवक्ता झिल्लु प्र न्यौपाने, प्रमुख प्रशासकिय अघिकृत हरिदत्त कणेल, कलेजका संचालक मोहन ठाकुर, उपमेयर सङ महिला कार्यक्रम सदस्य देबु भट्टराई, बिष्णु केसि लगायतले बोल्दै कार्यक्रमको सफलताको शुभकामना दिनुुुभएको थियो ।
तालिममा ६० जना महिलाको सहभागीता रहेको छ । तालिमको प्रशिक्षण रबि ठाकुरले गर्नुहुने छ ।
प्रतिक्रिया