एजेन्सी । सात जनामा कोरोनाभाइरसको सङ्क्रमण देखिएपछि इजरेल तथा प्यालेस्टाइन प्रशासनले बेथ्लिहम नगरलाई क्वारेन्टाईनमा राख्ने निर्णय गरेका छन । आजै रातिदेखि प्यालेस्टिनी र इजरेलीहरू आफु रहेको सहर छाड्न वा त्यहाँ आउन पाउनेछैनन ।
यो निर्णय अर्को सूचना जारी नभएसम्मका लागि लागु हुनेछ । इजरेली रक्षामन्त्रीले प्यालेस्टिनी अधिकारीहरूसँगको समन्वयमा यो निर्णयलाई कार्यान्वयन गर्न इजरेली सेनालाई आदेश दिएका छन ।
यसअघि बेथ्लिहेमस्थित एउटा गिर्जाघर बन्द गरिएको थियो । प्यालेस्टिनी राष्ट्रपति मोहम्मद अब्बासले कोरोनाभाइरसको सङ्क्रमण फैलनबाट रोक्नका लागि वेस्ट ब्याङ्कमा एक महिने सङ्कटकाल घोषणा गरेका छन् ।
प्रतिक्रिया