एजेन्सी । अमेरिकामा कोरोना भाइरसको संक्रमण बढ्न थालेको छ । अहिलेसम्म २२ जनाले ज्यान गुमाइसकेका छन् । ३० भन्दा धेरै राज्यमा संक्रमण फैलिएको स्वास्थ्य अधिकारीहरुले बताएका छन् ।
कोरोना भाइरस फैलिएपछि ओरेगन राज्यमा आइतबार आपतकालको घोषणा गरिएको छ । पछिल्लो समय राजधानी वासिङ्टनमा थप दुई जनाको मृत्यु भएको छ । अमेरिकामा ५ सय भन्दा धेरैमा संक्रमण देखिएको छ ।
नेसनल इन्सिटच्युट अफ हेल्थमा संक्रामक रोग विभागका प्रमुख एन्थोनी फाउसीले कोरोनाको संक्रमण नियन्त्रणका लागि हरेक प्रयास गरिरहेको जनाएका छन् ।
चीनको वुहानबाट सुरु भएको कोरोना भाइरसको संक्रमणबाट अहिलेसम्म संसारभर ३ हजार ७ सय जनाको मृत्यु भइसकेको छ ।
प्रतिक्रिया