एजेन्सी । चीनको बुहानबाट फैलिएर विश्वब्यापी महामारीको रुप लिएको कोरोना भाईरसका कारण हालसम्म ६ हजार ५ सय १५ जनाको मृत्यु भएको छ ।
विश्वका १ सय ५७ मुलुकमा फैलिएको कोरोनाबाट १ लाख ६९ हजार ४१५ जनामा संक्रमण पुष्टि भएको छ ।
पछिल्लो २४ घण्टामा अस्पताल भर्ना भएका ८५ हजार ४ सय ६४ नयाँ विरामीहरु मध्ये ५ हजार ९ सय २१ जनाको अवस्था गम्भिर छ ।
त्यस्तै ७९ हजार ५ सय ४३ जनाको अवस्था सामान्य रहेको छ । त्यस्तै ७७ हजार ४ सय ३६ जना निको भएर घर फर्किसकेका छन ।
अहिलेसम्म चीनमा सबै भन्दा बढी ३ हजार २ सय १३ जनाको मृत्यु भएको छ भने ८० हजार ८ सय ५८ मा संक्रमण कायम छ ।
त्यस्तै चीनपछिको दोस्रो ठूलो प्रभाव परेको मुलुक ईटलीमा १ हजार ८ सय ९ जनाको मृत्यु भएको छ भने, २४ हजार ७ सय ४७ जना संक्रमित भएका छन ।
त्यसैगरि ईरानमा ७ सय २४ जनाको ज्यान गएको छ भने १३ हजार ९ सय ३८ जनामा संक्रमण पुष्टि भएको छ ।
स्पेनमा २ सय ९२, फ्रान्समा १ सय २७, दक्षिण कोरियामा ७५ र अमेरिकामा ६८ जनाको कोरोनाका कारण मृत्यु भएको छ ।
प्रतिक्रिया