अफिन प्रदेश ५ को आकस्मिक बैठक

बुटवल । नीजि अस्पतालको साझा संगठन एशोसियसन अफ प्राईभेट हेल्थ ईन्च्युटिसन नेपाल (अफिन) प्रदेश नं. ५ को बुटवलमा आकस्मिक बैठक बसि विभिन्न निर्णयहरु गरेको छ ।

विश्वभरि महामारीका रुपमा फैलिरहेको कोरोना भाईरस कोभिड १९ को संक्रमण बिरुद्ध अफिनले संवेदनसिल भएर सरकारलाई आवश्यक सहयोग गर्ने निर्णय गरेको हो । प्रदेशका अध्यक्ष राम प्रसाद खरेलले स्वस्थ्य सेवामा खटिएका चिकित्सक र स्वस्थ्यकर्मीहरु आफु सुरक्षित हुदै सेवा निरन्तर दिने निर्णय भएको बताउनुभयो ।

सबै अस्पतालबाट टेलिमेडिसील सेवा दिने, एक सय बेडको कोरोना अस्थाई अस्पतालमा आवश्यक थप सहयोग र सेवा दिने निर्णय गरेको उहाले बताउनुभयो । सबै अस्पतालहरुले ब्यवस्थित फिभर क्लिनिक संचालन गर्ने, कोरोनाको बारेमा सचेतना र जनचेतनाका कार्यक्रम समेत गर्ने उहाले बताउनुभयो ।

कोरोनाको बाहानामा बजारमा सुरक्षाको अति आवश्यक सामग्रीहरुको अभाव देखिएको अफिनका महासचिव मुक्ति पौडेलले बताउनुभयो । कोरोना संक्रमण सम्बन्धि अतिआवश्यक सामग्रीहरु सरकारबाट तत्काल उपलब्ध हुने वातावरण सृजना गर्न समेत आग्रह गरेको छ ।

अस्पतालको आआफना सामाजिक सन्जालबाट सचेतनाका कार्यक्रमहरु चलाउने समेत भएको छ । रुपन्देहीका १५ वटा अस्पतालका संचालकहरुको उपस्थिती रहेको कोषाध्यक्ष अर्जुन पौडेलले बताउनभयो ।