बुटवल । बुटवल सुनचादी व्यावसायी संघले कोरोनाको बढ्दो कहरबाट बच्न आफ्ना सदस्य व्यवसायीहरुलाई आग्रह गरेको छ ।
संघले सोमबार एक विज्ञप्ति जारी गर्दै सरकारले कोरोना संक्रमणबाट बच्न अगाडी सारेको कदमको पालना गर्दै व्यबसाय बन्द गरेर सुरक्षित रहन व्यबसायीलाई आग्रह गरेको छ ।
संघका अध्यक्ष दिपक कुमार विकद्वारा हस्ताक्षरित विज्ञप्तिमा नेपाल सुनचादी व्यवसायी महासंघको चैत्र ९ गतेको निर्णय अनुसार नेपाल सरकारको नीति अनुरुप एैक्यबद्धता जनाउदै व्यबसायिक प्रतिष्ठानहरु बन्द गरि सुरक्षित हन व्यबसायीलाई आग्रह गरिएको छ ।
संघले सरकारलाई सहयोग गर्ने दायित्व सबैको भएको बताउँदै यो भाईरसबाट आफू पनि बँच्न र अरुलाई पनि बचाउनकालागि सेचत रहेन आग्रह विज्ञप्तीमार्फत गरिएको हो ।
पसल बन्द गर्दै छिमेकी मुलुक चीनबाट फैलिएर विश्वव्यापी रुपमा महामारीको रुप लिएको कोरोना भाईरस (कोभिड–१९)को संक्रमण हुन नदिन र त्यसबाट बँच्न भनिएको छ ।
प्रतिक्रिया