लमजुङ । लमजुङको निर्माणाधीन दोर्दी खोला जलविद्युत् आयोजनामा कार्यरत भारतीय नागरिकलाई कोरोना भाइरसको संक्रमणको शंका गरिएको छ ।
ज्वरो आएपछि चेकजाँचका लागि मंगलबार वेंशी शहरस्थित जिल्ला सामुदायिक अस्पताल ल्याईएका ती युवकमा कोरोनासँग लक्षण देखिएपछि मिलेपछि संक्रमणको शंका गरिएको हो ।
बिहान ११ बजे अस्पताल ल्याइएको ती युवकमा ज्वरो आउने, रुघाखोकी लाग्ने, टाउको दुख्नेजस्ता लक्षण देखिएको अस्पतालका प्रसाशीय प्रमुख हेमन्त श्रेष्ठले बताउनुभयो । कोरोनाको शंका गरेसँगै ती युवकलाई काठमाडौंस्थित टेकु अस्पतालमा रिफर गरिएकोे श्रेष्ठले बताउनुभयो ।
निर्माणधीन २७ मेगावाट क्षमताको जलविद्युत आयोजनामा काम केही वर्षदेखि काम गर्दै आएका ती युवक होलीका बेला करिब १० दिन भारत गई फर्किएका थिए । उनीसहित आयोजनाका पाँचजना कामदार पनि होली मनाएर फर्किएका छन् ।
आयोजना आजदेखि अनिश्तिकालका लागि निर्माण कार्य बन्द गरिएको आयोजनाको साइट इन्चार्ज दिपक ज्ञवालीले जानकारी दिनुभयो ।
प्रतिक्रिया