सैनामैना । सैनामैनामा प्रतिकोरोना आइसोलेसन अस्पताल निर्माण गर्न लागिएको छ ।
वडा नम्बर १ बनकट्टामा रहेको प्राकृतिक चिकित्सालयमा कोरोना बिशेष अस्पताल निर्माण गर्न लागिएको सैनामैना नगरपालिका प्रमुख चित्रबहादुर कार्कीले जानकारी दिनुभयो ।
व्यवस्थित अस्पतालका रुपमा सञ्चालनमा आइसकेको पद्मपाणी योग तथा प्राकृतिक चिकित्सालयका उपयुक्त कोठाहरुलाई नै थप सुविधासम्पन्न बनाउँदै कोरोना विशेष अस्पताल निर्माण गर्न लागिएको प्रमुख कार्कीले बताउनुभयो ।
उक्त चिकित्सालयको नगर प्रमुख कार्की, रुपन्देहीका प्रमुख जिल्ला अधिकारी महादेव पन्थ, प्रादेशिक अस्पतालका विशेषज्ञ डाक्टर विष्णु गौतम र सैनामैना नगरपालिकाका स्वास्थ्य शाखा प्रमुखसहितको टोलीले बुधबार निरीक्षण गरेको छ ।
त्यसक्रममा विशेषज्ञहरुले सबैभन्दा उपयुक्त स्थल र व्यवस्थित संरचना रहेको भन्दै प्रशंसा गरेको चिकित्सालयका संस्थापक अध्यक्ष रामप्रसाद भट्टराईले जानकारी दिनुभयो ।
प्रतिक्रिया