आजको मौसम : पहाडी क्षेत्रमा आंशिक बदली, मेघ गर्जन र चट्याङसहित क्षणिक वर्षाको सम्भावना

काठमाडौ । अहिले मुलुकभर पश्चिमी वायूको आंशिक प्रभाव रहेको छ।

हाल देशको पश्चिमी भू–भागमा आंशिक बदली रहेको छ र बाँकी भू–भागमा मौसम सामान्यतया सफा रहेको मौसम पूर्वानुमान महाशाखाले जनाएको छ।

आज दिउँसो देशको पश्चिमी भू–भाग लगायत मध्य र पूर्वी पहाडी भु–भागमा आंशिकदेखि सामान्य बदली रहने महाशाखाले जनाएको छ ।

त्यस्तै बाँकी भू–भागमा सामान्यतया सफादेखि आंशिक बदली हुने सम्भावना छ । पहाडी भू–भागका एक दुइ स्थानहरुमा मेघ गर्जन र चट्याङसहित वर्षाको सम्भावना रहेको छ ।

आज राती देशको पश्चिमी भू–भागमा आंशिकदेखि सामान्य बदली रही बाँकी भू–भागमा आंशिक बदली हुने मौसम पूर्वानुमान महाशाखाले जनाएको छ ।

पश्चिमी भू–भागका केही स्थान र पूर्वका एक दुइ स्थानहरुमा मेघ गर्जन रचट्याङसहित क्षणिक वर्षाको सम्भावना रहेको महाशाखाले जनाएको छ ।