काठमाडौ । नेपालमा पनि कोरोना संक्रमणको सम्भावित जोखिमलाई मध्यनजर गर्दै सरकारले मुलुकभर लकडाउन गरेको छ ।
साथै विभिन्न स्थानमा धमाधम क्वारेन्टाइन, आइसोलेसन निर्माण कार्यले पनि तीव्रता पाएका छन् ।
कोरोनाको जोखिम बढ्दैजाँदा त्यसका लागि आवश्यकीय मेडिकल सामग्रीको अभाव भएको भन्दै आलोचना भइरहँदा सरकारले चीनबाट त्यस्ता सामग्री ल्याउने तयारी गरेको छ ।
ती सामग्री लिनका लागि नेपाल वायु सेवा निगमको वाइडबडी विमान आज चीनको ग्वाङ्झाओ जाने भएको छ । आज मध्याह्न साढे १२ बजे मेडिकल सामग्री लिनका ए ३३० जहाज चीन जाँदैछ ।
परराष्ट्र मन्त्रालयका अनुसार चीनबाट ती सामग्रीहरु आजै आइपुग्नेछन् । स्वास्थ्य मन्त्रालयले आवशयक सामग्रीको सूची परराष्ट्र मन्त्रालयमार्फत् चीनलाई पठाएको थियो । तीनै सामग्री लिनका लागि नेपाल एयरलाइन्सको वाइडबडी विमान चीन जान लागेको हो ।
प्रतिक्रिया